هنتكلم عن الفرق بين كلية التمريض والمعهد
كلية التمريض : الدراسة فيها 4 سنوات وكمان سنه امتياز يعني 5 سنوات وبتحصل علي بكالوريوس تمريض والوظيفة بتكون اخصائي تمريض
المعهد بتحصل علي فن تمريض
بمعني اللي حاصل علي كلية التمريض بيكون مشرف علي اللي حاصل على المعهد
الكلية على حسب تنسيق السنة اللي فاتت وقبلت من 93.9 %
التدريس: هتدرس مواد من طب ومواد من علوم ومواد من صيدلة هتاخد مثلا فسيولوچي - ميكرو - فارما - بارا - اناتومي وايضا مواد اخري بتكون عبارة عن أقسام في التمريض
في التمريض 9 اقسام
1-اساسيات تمريض
2-تمريض باطني وجراحي
3-تمريض للاطفال
4-تمريض للنساء والتوليد
5-تمريض للصحة النفسية
6-تمريض حالات حرجة
7-تمريض لصحة المجتمع
8-تمريض للمسنين
9- ادارة تمريض
وخلال الاربع سنوات بتدرس كل المواد دي وكمان بتكون باللغه الانجليزيه واحسن حاجة في الكلية ان مفيهاش كورسات
الشغل: بعد ما تحصل على الكلية هتشتغل في المستشفيات علي حسب تقديرك والخبرة بتاعتك بعد ما تحصل علي التكليف هتبقا اخصائي تمريض
شغلك بيبقا عبارة عن اما معيد في الكلية او اخصائي تمريض تقدر تعمل دبلومة او زمالة عشان تكون اخصائي جودة واخصائي مكافحة عدوة
ممكن تقدم بالكليات العسكرية
خريج التمريض دة محور مهم سواء في المستشفيات الحكومي او الخاصة او المراكز الطبية وكمان هو اللي بيكمل مع المريض خطة العلاج ومتابعة المريض
شروط دخول الكلية
لازم المجموع
وكمان لازم تعرف ان الكلية الاقليمية هتدخل الجامعة او المعهد التابع لمحافظتك
ثالثا
بتدخل اختبارات القدرات التابعة للكلية
الاختبار الكتابي ينقسم الي
1- اختبار القدرات العامة
•الجزء اللفظي ويشمل (12 سؤال لللغة الانجليزية و 12 سؤال لللغة العربيه)
• الجزء الكمي : يشمل 12 سؤال في الرياضيات لإختبار القدرات يركز في القياس والاستنتاج وحل المسائل يحتاج الي معلومات بسيطة لكنها أساسية
2-اختبار التحصيل الدراسي يشمل ايضا 12 سؤال في العلوم الصحية الاساسية مثل (احياء -فيزياء -كيمياء) بيركز علي ما تم حصول الطالب علية في المرحلة الثانوية
بعد كدة بيتم الفحص الطبي واللياقة بيقابلك 3 دكاترة وبيتم الفحص الطبي اللي من خلالة النتيجة بتكون بالقبول او بالرفض
وايضا يتم عمل interview (مقابله) مع رؤساء الاقسام في الكلية
اهم حاجة في اليوم دة ثقتك في نفسك تكون عالية وإجابتك تكون بثقة
ومن شروط القبول انك تعدي في الانترڤيو وأن تكون إجتازت في الاختبار